கற்பூரவல்லி மூலிகையின் மகிமையை பற்றி தெரியுமா?

0
31

இதன் தாயகம் இந்தியா. இதைப்பற்றிய குறிப்புகள் நமது சித்தர்கள் ஓலைச்சுவடிகளில் குறிப்பிட்டு இருப்பதாக சரித்திரம் கூறுகிறது. இந்தியாவின் அனைத்துப்பகுதிகளிலும் இத்தகைய மூலிகைச் செடி நன்றாக வளரும்.

இதை வீட்டில் உள்ள சிறிய தோட்டத்தில் கூட வளர்த்து உடனடி நிவாரணத்திற்குப் பயன்படுத்துகின்றனர். இதற்கு நல்ல வடிகால் வசதியுள்ள குறு மண் மற்றும் வண்டல் மண், செம்மண், களிகலந்த மணற்பாங்கான இரு மண் பாட்டு நிலம் ஏற்றது.

6.5 – 7.5 வரையிலான கார அமிலத்தன்மை ஏற்றது. தட்ப வெப்பம் குறைந்தது 25 டிகிரி செல்சியஸ் முதல் 35 டிகிரி செல்சியஸ் இருக்க வேண்டும்.

இனப்பெருக்கம் செய்ய 4 இலைகளுடன் கூடிய சுமார் 4 அங்குலம் நீளம் கொண்ட தண்டுகளை நட்டு நீர் பாய்ச்சினால் ஒரு மாதத்தில் நாற்று வளர்ந்து விடும். 6 மாதத்தில் பூக் காம்புகள் உருவாகும் போதே அதனை அகற்றிவிடவேண்டும்.

சுமார் 8 மாதத்தில் இலைகள் முதிர்வடைகின்றன. அப்போதுதான் ‘மென்தால்’ சதவிகிதம் அதிகமாக காணப்படும். பயன்தரும் பாகங்கள் – தண்டு, இலைகள் ஆகியவை.

பயன்கள் – கற்பூரவல்லி தாவரத்தின் பாகங்கள் இருமல், சளி, ஜலதோஷம் போன்ற நோய்களுக்கு முக்கிய மருந்து. வியர்வை பெருக்கியாகவும், கோழையகற்றிக் காய்ச்சல் தணிக்கும் மருந்தாகும்.

இலைச் சாற்றை சர்க்கரை கலந்து குழந்தைகளுக்குக் கொடுக்க சீதள இருமல் தீரும். இலைச்சாறு, நல்லெண்ணெய், சர்க்கரை இவற்றை நன்குகலக்கி நெற்றியில் பற்றுப் போடத் தலைவலி நீங்கும்.

சூட்டைத் தணிக்கும். இலை, காம்புகளைக் குடிநீராக்கிக் கொடுக்க இருமல்,சளிக் காய்ச்சல் போகும்.

LEAVE A REPLY

Please enter your comment!
Please enter your name here