கணையம், ஈரல் புற்று நோயை தடுக்கும் பீட்ரூட் ஜூஸ்

தினமும் 500 கிராம் பீட்ரூட் சாப்பிட்டால், ஆறு மணிநேரத்திற்குள் இரத்த அழுத்தம் குறைந்திருப்பதை ஆராய்ச்சியாளர்கள் கண்டுபிடித்துள்ளனர்.


சிலருக்கு தோலில் சில இடங்களில் நிறமாற்றங்கள் ஏற்படும். இன்னும் சிலருக்கு தோலில் ஈரப்பதம் இல்லாமல் வறண்டு விடும். பீட்ரூட் ஜூஸ் தினமும் அருந்தும் நபர்களுக்கு மேற்கூறிய பிரச்சனைகள் நீங்கும்.

தலைமுடி உதிர்தல், பொடுகு போன்ற பிரச்சனைகள் அதிகம் ஏற்படுகின்றன. அவற்றை நீக்க தினந்தோறும் ஒரு வேளை பீட்ரூட் ஜூஸ் குடிப்பது நல்லது.

ரத்தத்தில் ஹீமோகுளோபின் அளவு அதிகரிக்க, தினமும் பீட்ரூட் ஜூஸ் குடித்து வந்தால் இந்த பிரச்சனை தீரும்.

நமது உடலில் பல இடங்களில் புற்றுநோய் ஏற்படுகிறது. அதில் ஈரல் புற்று, கணைய புற்று மிகவும் ஆபத்தான புற்று நோய்களில் ஒன்று. பீட்ரூட் ஜூஸை தினமும் ஒரு வேளையாவது குடித்து வந்தால், இவ்வகை புற்று நோய்கள் ஏற்படாமல் தடுக்கும்.

உடலின் ரத்தத்தில் உள்ள கழிவுகளை தொடர்ந்து சுத்திகரிக்கும் பணியை சிறுநீரகம் செய்கிறது. பீட்ரூட் ஜூஸை அருந்துவதால் சிறுநீரகங்களுக்கு நல்ல பலத்தை கொடுக்கிறது. சிறுநீரும் நன்கு பிரியும். 

மூளை செல்களின் வளர்ச்சி குறைவதால் ஞாபக மறதி உண்டாகிறது. பீட்ரூட்டில் மூளை செல்களின் வளர்ச்சியை தூண்டும் சத்துகள் அதிகமுண்டு. எனவே பீட்ரூட் ஜூஸை பருகுவது ஞாபக மறதியை போக்கும்.

தினந்தோறும் அல்லது வாரத்திற்கு இருமுறையாவது பீட்ரூட் ஜூஸை அருந்துபவர்களுக்கு கல்லீரல் சம்பந்தமான எந்த நோய்களும் வராமல் தடுக்கப்படும்.


பீட்ரூட் ஜூஸ் செய்வது எப்படி?

தேவையான பொருட்கள்

  • பீட்ரூட் - 3
  • பால் - 1/2 லிட்டர்
  • சர்க்கரை - தேவையான அளவு 


எப்படி செய்வது ?

பீட்ரூட்டினை சிறுசிறு துண்டுகளாக நறுக்கி வைத்துக் கொள்ளவும்.

பாலை நன்றாக தண்ணீர் விடாமல் கெட்டியாக காய்ச்சி வைத்துக் கொள்ளவும்.

பீட்ரூட்டினை மட்டும் எடுத்து தேவையான அளவு தண்ணீர் சேர்த்து அரைத்துக் கொள்ளவும்.

பிறகு அரைத்த பீட்ரூட்டினை வடிகட்டி பாலுடன் கலந்து தேவையான அளவு சீனி கலந்து மறுபடியும் அரைக்கவும்.

பிறகு குளிர்சாதன பெட்டியில் வைத்து நன்கு குளிர்ந்த பின் பருகினால் சுவையாக இருக்கும். உடம்புக்கும் மிகவும் நல்லது. சிறு குழந்தைகளுக்கும் கொடுக்கலாம்.
Blogger இயக்குவது.