இன்று நம்மில் பலர் கிரெடிட் கார்டை வாங்க ஆர்வமாக இருக்கிறோம். ஆனால் அதைப் பயன்படுத்திய சிலர் அதனைப் பார்த்து பயப்படுவதும் உண்மைதான். உண்மையில், சரியான முறையில் பயன்படுத்தினால் கிரெடிட் கார்டு நம் வாழ்க்கையை எளிமையாக்கும் ஒரு நம்பகமான உதவியாளராக இருக்கலாம்.
கிரெடிட் கார்டு என்றால் என்ன?
கிரெடிட் கார்டு என்பது வங்கிகள் வழங்கும் ஒரு கடன்வகை. இதன் மூலம் நீங்கள் ஒவ்வொரு மாதமும் ஒரு குறிப்பிட்ட தொகையை வட்டி இல்லாமல் செலவழிக்கலாம். அந்த தொகையை 30 முதல் 45 நாட்களுக்குள் திரும்ப செலுத்தினால் கூடுதல் செலவு ஒன்றும் கிடையாது. ஆனால் தாமதமானாலோ அல்லது குறைந்தபட்ச தொகை மட்டுமே செலுத்தினாலோ, அதற்கு வட்டி விதிக்கப்படும்.
இது எப்படி வேலை செய்கிறது?
- வங்கிகள் உங்கள் வருமானம் மற்றும் வங்கி கணக்கு நடத்தை அடிப்படையில் உங்களுக்கு ஒரு கிரெடிட் லிமிட் கொடுக்கும்.
- இந்த லிமிட்டிற்குள் நீங்கள் செலவழிக்கலாம்.
- ஒவ்வொரு மாதமும் ஒரு ஸ்டேட்மெண்ட் (statement) வரும்.
- முழு தொகையை செலுத்தினால் வட்டி கிடையாது.
- குறைந்தபட்ச தொகை மட்டும் செலுத்தினால் மீதமுள்ள தொகைக்கு வட்டி விதிக்கப்படும் (25% முதல் 60% வரை!).
- ஏடிஎம் மூலமாக பணம் எடுத்தால் கூடுதல் கட்டணம் மற்றும் வட்டி.
சரியாக கட்டணம் செலுத்தவில்லை என்றால் என்ன?
- உங்கள் சிபில் ஸ்கோர் பாதிக்கப்படும் (இது கடன் பெறுவதற்குத் தேவையான மதிப்பீடு).
- அடுத்த மாதத்தில் கூடுதல் தொகை செலுத்த வேண்டிய நிலை வரும்.
- கிரெடிட் கார்டின் சலுகைகள் அனைத்தும் நீக்கப்படும்.
இதைப் தவிர்க்க என்ன செய்யலாம்?
- ஒவ்வொரு மாதமும் முழுத் தொகையையும் செலுத்துங்கள்.
- முடியவில்லை என்றால் Auto Debit மூலம் குறைந்தபட்சம் செலுத்தும் வசதியை ஏற்படுத்திக்கொள்ளுங்கள்.
- தொடர்ந்து செலுத்த முடியாதவர்கள் கிரெடிட் கார்டை வாங்கவே வேண்டாம்.
கிரெடிட் கார்டின் வகைகள்
- சாதாரண கிரெடிட் கார்டு – பொருட்கள் வாங்க வட்டி இல்லாமல்.
- பணமாக மாற்றக்கூடிய கார்டு – உங்கள் லிமிட்டை உங்கள் கணக்கில் பணமாக மாற்றலாம். குறைந்த காலத்திற்கு வட்டி இல்லை, ஆனால் மாற்ற கட்டணம் இருக்கும்.
குறிப்பு: எந்த வகையான கார்டாக இருந்தாலும் குறைந்தபட்ச தொகையை செலுத்துவது கட்டாயம்!
கிரெடிட் கார்டு சலுகைகள்
- கேஷ்பேக், ரிவார்ட்ஸ் பாயின்ட், டிஸ்கவுண்ட், பயண சலுகைகள், போன்றவை.
- ஆன்லைன், ஆஃப்லைன், ரயில், விமான டிக்கெட் உள்ளிட்ட பல துறைகளில் தனித்தனி கார்டுகள் உள்ளன.
கிரெடிட் கார்டு பெறுவது எப்படி?
- வயது: குறைந்தபட்சம் 18+
- மாத வருமானம் தேவை.
- வங்கிக் கணக்கு வரவு செலவு சரியாக இருக்க வேண்டும்.
- ஆன்லைனிலும், நேரடியாகவும் விண்ணப்பிக்கலாம்.
- தேவையான ஆவணங்கள்: அடையாளம், முகவரி, வருமான சான்றுகள்.
- அங்கீகரிக்கப்பட்டதும் கார்டு உங்கள் முகவரிக்கு அனுப்பப்படும்.
கிரெடிட் கார்டு வேண்டாம் என்று எண்ணினால், நிலுவைத் தொகையை முழுவதுமாக செலுத்திய பிறகு வங்கியில் தொடர்பு கொண்டு கார்டை நிரந்தரமாக முடிக்கலாம்.
கிரெடிட் கார்டு ஒரு நல்ல பொருளாதார கருவி. ஆனால் அதை சீராக நிர்வகிக்கத் தெரிந்தால் மட்டுமே! தவறாக பயன்படுத்தினால், கடன் சுமையாக மாறிவிடும். எனவே திட்டமிட்டு, கட்டுப்பாடுடன் பயன்படுத்துங்கள்!
