in

“எல்லாரும் வேலைக்கு வாங்க” – மாநகரப் போக்குவரத்துக் கழகம் உத்தரவு

மாநகரப் போக்குவரத்துக் கழகத்தால் 3584 பேருந்துகள் இயக்கப்படுகிறது. இதில் 300 பேருந்து மட்டும் அத்தியாவசிய தேவைகளுக்காக இயக்கப்பட்டு வருகிறது. பிற பேருந்துகள் பணிமனையில் ஊரடங்கு காரணமாக நிறுத்திவைக்கப்பட்டுள்ளது.

நிறுத்தியுள்ள பேருந்துகளில் 1775 பேருந்துகளில் HFC and HC ஜூன் 2020-ல் முடிவடைகின்றன. எனவே பேருந்துகளுக்கு fitness certificate வாங்க வேண்டி உள்ளதால் MTC (W), FC Unit, RC Unit-களில் பணிபுரியும் ஊழியர்கள் இரண்டு நாட்களுக்கு ஒரு முறை உடனடியாக பணிக்கு வரும்படி அறிவுறுத்தப்பட்டுள்ளது, அதாவது 50 சதவீதம் அடிப்படையில்.

பணிக்கு வரும் ஊழியர்கள் கடைபிடிக்க வேண்டிய நடைமுறைகள்

  • ஊழியர்கள் முக கவசம் கட்டாயம் அணிய வேண்டும்
  • கையில் உறை அணிந்து இருக்க வேண்டும்
  • கைகளை அடிக்கடி சோப்பு போட்டு கழுவ வேண்டும்
  • கிருமிநாசினி பயன்படுத்தவேண்டும்
  • தொழில் கூடங்கள், கேண்டின், ஓய்வறை, நேரக் காப்பாளர் அறை, பண்டக சாலைகளில் போன்ற இடங்களில் மூன்று அடி இடைவெளி விட்டு நிற்க வேண்டும்
  • பணியாளர்களுக்கு உடல்நிலை சரியில்லாவிட்டால் அனுமதி பெற்று விடுப்பு எடுத்துக் கொள்ளலாம்

இவ்வாறு அறிவிப்பு கூறப்பட்டுள்ளது.