கோடை காலத்தில் தண்ணீர் குடிப்பது மிகவும் அவசியம். கோடை காலத்தில் வெளியே செல்லும்போது கையில் வாட்டர் பாட்டில் கொண்டு செல்வார்கள். அவ்வாறு கொண்டு செல்லும் வாட்டர் பாட்டில்களை 2 நாட்களுக்கு ஒரு முறையாவது கழுவி சுத்தம் செய்து நன்கு வெயிலில் காய வைப்பது அவசியம்.
பாட்டிலின் உள்ளே சுத்தம் செய்வது ஒரு சவாலாக இருக்கலாம். பலர் அதை மேலோட்டமாகக் கழுவி விடுகிறார்கள். இது மிகவும் தவறு. பாட்டிலின் உட்புறத்தை முறையாக சுத்தம் செய்வதற்கான சில எளிய டிப்ஸ்களை பார்ப்போம்.
சுத்தமான நீர் மற்றும் சோப்: முதலில் பாட்டிலில் வெதுவெதுப்பான நீர் ஊற்றவும். அதனுடன் சிறிது பாத்திரம் கழுவும் திரவ சோப்பை சேர்க்கவும். இப்போது இந்த கலவையை நன்றாக குலுக்கவும், பாட்டிலின் உள்ளே மற்றும் வெளியில் உள்ள பகுதிகளையும் நன்கு சுத்தம் செய்ய 2 முதல் 4 நிமிடங்கள் வைக்கவும்.
பிரஷ் மூலம் சுத்தம் செய்தல்: அதன் பிறகு, ஒரு பாட்டிலின் பிரஷ் (வாட்டர் பாட்டிலுக்கான சிறிய ப்ரஷ்) உதவியுடன் பாட்டிலின் உள்ளே சுத்தம் செய்யவும். பாட்டிலின் சுற்றிலும், கீழே உள்ள பகுதியையும் சுத்தம் செய்துகொள்ள வேண்டும். பாட்டிலின் மூடியையும் மறக்காமல் தேய்க்கவும். பிறகு பாட்டிலை ஓடும் நீரில் நன்கு குலுக்கி, பிறகு அவற்றை கழுவவும். அதன்பின், பாட்டிலின் உள்ளே உள்ள நீரை வெளியேற்றிவிட்டு, வெயில் பாதிக்கப்படும் இடத்தில் முழுமையாக காயவிடவும்.
பேக்கிங் சோடா மற்றும் குளிர்ந்த நீர்: பாட்டிலில் சிறிது பேக்கிங் சோடா போட்டு, அதில் குளிர்ந்த நீரை ஊற்றவும். பாட்டிலின் மூடியை அடைத்து, நன்றாக குலுக்கவும். இதை இரவு முழுவதும் விடவும். காலையில், பிரஷ் மூலம் அதை தேய்த்து, நன்கு கழுவி சுத்தம் செய்யவும்.
வினிகர் மற்றும் பேக்கிங் சோடா கலவை: இரவில் பாட்டிலில் அரை கப் வினிகர், ஒரு டீஸ்பூன் பேக்கிங் சோடா மற்றும் குளிர்ந்த நீரை சேர்க்கவும். இதை நன்றாக கலக்கி, காலையில் பிரஷ் மூலம் தேய்த்து, தண்ணீரால் கழுவி வைக்கவும்.
