கோடைக்காலம் வந்தாலே நமக்கு முதலில் நினைவுக்கு வரும் பழம் மாம்பழம். அதன் மணமும், தித்திக்கும் சுவையும் மிகுந்த காரணமாக பலரும் இதனை விரும்பி உண்கிறார்கள். ஆனால், “மாம்பழம் சர்க்கரை நோயாளிகளுக்காக இல்ல” என்ற ஒரு பொதுவான நம்பிக்கை மக்களிடையே உள்ளது. இதனால் மாம்பழத்தை விரும்பிய போதும், சிலர் அதைத் தவிர்க்க வேண்டிய நிலைக்கு தள்ளப்படுகின்றனர்.
இது உண்மையா? சர்க்கரை நோயாளிகள் மாம்பழம் சாப்பிடக்கூடாதா? என்பதை உணவியல் நிபுணரும், ஆலோசகருமான டாக்டர் அருண்குமார் தனது சமூக வலைதளத்தில் தெளிவாக விளக்கியுள்ளார்.
மாம்பழத்தில் என்ன இருக்கிறது?
100 கிராம் மாம்பழத்தில்:
- 60 கலோரி
- 15 கிராம் கார்போஹைட்ரேட்
- 1.5 கிராம் நார்ச்சத்து
இதில் உள்ள கார்போஹைட்ரேட்டில்:
- 8-9 கிராம் சுக்ரோஸ்
- 4-5 கிராம் ஃப்ருக்டோஸ்
- 2 கிராம் குளுக்கோஸ் உள்ளது.
இதனுடன் ஒப்பிடும்போது, 100 கிராம் சாதத்தில்:
- 130 கலோரி
- 28 கிராம் கார்போஹைட்ரேட்
- நார்ச்சத்து இல்லை
- ஸ்டார்ச் (மாவுச்சத்து) அதிகம்
மாம்பழம் சாப்பிடலாமா இல்லையா?
மாம்பழம் இனிப்பு பழமாக இருந்தாலும், அதில் நார்ச்சத்து உள்ளது என்பதால், அது இரத்த சர்க்கரையை நிதானமாகவே உயர்த்தும். அதே நேரத்தில் சாதம் போன்ற உணவுகளில் நார்ச்சத்து இல்லாததால், அதனுடன் ஒப்பிடும்போது மாம்பழம் அரை அளவு மட்டுமே இரத்த சர்க்கரையை உயர்த்தும்.
- மாம்பழம் சாப்பிடலாமா? – Top 8 உடல்நலம் பயன்கள்
- மாம்பழம் சாப்பிட்ட பிறகு தண்ணீர் குடிப்பது நல்லதா?
- உங்களை ஆச்சரியடைய வைக்கும் மா இலையின் அற்புத பயன்கள்
- இந்த நேரத்தில் பழங்களை சாப்பிடுவது உடலுக்கு ரொம்ப நல்லதாம்..!
முன்னெச்சரிக்கையுடன் சாப்பிடலாம்
- சர்க்கரை நோயாளிகள் அளவோடு (சுமார் 100 கிராம்) சாப்பிட்டால், எந்த ஆபத்தும் இல்லை.
- ஒரே நேரத்தில் அதிக அளவில் சாப்பிட வேண்டாம்.
- உணவமைப்பில் சமநிலையை பாதுகாப்பது முக்கியம்.
- இரத்த சர்க்கரை அளவைக் கண்காணித்து மாம்பழம் சேர்த்துக்கொள்ளலாம்.
மாம்பழம் சாப்பிடக்கூடாது என்ற நம்பிக்கை தவறானது. உண்மையில், சரியான அளவில், சரியான நேரத்தில் மாம்பழத்தை உணவில் சேர்த்துக் கொள்ளலாம். முக்கியமாக, மருத்துவரின் ஆலோசனையும், உங்கள் உடல்நிலையில் ஏற்ப உடல்நல பயிற்சி முறைகளையும் பின்பற்றுவதே சரியான வழி.
