பலாப்பழத்தின் நன்மைகள், தீமைகள் என்ன..?

முக்கணிகளில் முக்கியமான கனி என்றால், அது பலா தான். சாப்பிடுவதற்கு மிகவும் சுவையாக இருக்கும் இந்த பழம், பல்வேறு பலன்களை மனிதர்களுக்கு அளிக்கக்கூடியது. தமிழ்நாட்டில் பண்ருட்டி பலாப்பழம் மிகவும் பெயர் பெற்றது. அதேபோல் கொல்லிமலை, வெள்ளிமலை, ஏலகிரி மலை போன்ற இடங்களில் பலாப்பழம் அதிகம் பயிரிடப்படுகிறது. இதுபற்றி இந்த கட்டூரையில் விளக்கமாக பார்க்கலாம்.

பலா பழத்தில் உள்ள பலம்

பலா பழத்தில் 100-க்குட்பட்ட பழ சுளைகளும், பழ விதைகளும் இருக்கிறது. இந்த பழத்தை ஆண்கள் தொடர்ந்து சாப்பிட்டு வந்தால், அவர்களுக்கு உயிரணுக்களின் உற்பத்தி அதிகரிக்கும். பழம் மட்டுமின்றி, அதன் கொட்டைகள், பிசினை சாப்பட்டாலும், உயிரணுக்களின் எண்ணிக்கை அதிரிக்கும்.

Advertisement

மலச்சிக்கலை போக்கும்

ஒவ்வொரு பழமும் 3 முதல் 30 கிலோ எடை இருக்கும். 100 கிராம் பலாப்பழத்தில் 95 கலோரி எரிசக்தி உள்ளது. பழத்திலுள்ள சுக்ரோஸ் உடலுக்கு தேவையான சக்தியை அளிக்கிறது. பலாப்பழத்தில் நார்ச்சத்து உள்ளதால் மலசிக்கல், பெருங்குடலில் ஏற்படும் புற்றுநோயை சரிசெய்கிறது.

பெண்களின் மாதவிலக்கு கோளாறுகளுக்கும், பலா மரத்தின் பட்டை, இலை சிறந்த தீர்வாக இருக்கும். பட்டை மற்றும் இலையை வைத்து காசயம் செய்து சாப்பிட்டு வந்தால், இந்த பிரச்சனைகள் சரியாகும்.

மாரடைப்பை தடுக்கும்

பலாப்பழத்தில் உள்ள வைட்டமின் சி நோய் எதிர்ப்பு சக்தியை அளிக்கிறது. மேலும் இப்பழத்தில் போலிக் ஆசிட், ஹோமோ சிஸ்டீன் ஆகியவை உள்ளது. இதனால் இதய நோய்களும் மாரடைப்பும் 25% தடுக்கப்படுகிறது. பலாப்பழம் சாப்பிடுவதால் ரத்தம் கட்டுபாட்டில் இருக்கும். இதயத் துடிப்பும் ரத்த அழுத்தமும் சீராக இருக்கும். எலும்பு வளர்ச்சிக்கு தேவையான மெக்னீசியம் சத்து பலாப்பழத்தில் உள்ளது.

உடல்வலி போக்கும்

உடல் வலி ஏற்பட்டு தைலத்தை உடல் முழுவதும் தேய்த்து கொண்டிருப்பவரா நீங்கள் இருந்தால், உங்களுக்கு பலா மரத்தின் பழுத்த இலைகள் போதுமானது. அதாவது, பலா மரத்தின் பழுத்த இலைகளை, நீரில் போட்டு கொதிக்க வைத்து, பின்னர் அந்த தண்ணீரில் குளித்து வந்தால், உடல் வலி சரியாகும். கர்ப்பிணிப் பெண்களுக்கு பொதுவாக அதிக அளவில், உடல் வலி இருக்கும். அவர்களுக்கு இது ஏற்ற மருத்துவம்.

தைராய்டு நோயை தடுக்கும்

பலாப்பழத்தில் காப்பர் சத்து உள்ளதால் தைராய்டு சுரப்பி நன்றாக வேலை செய்ய உதவுவதால் தைராய்டு நோய் ஏற்படுவதை தடுக்கிறது. பலாப்பழம் சிறந்த ஊட்டச்சத்து நிறைந்த ஒரு உணவாகும். குழந்தைகள், பெரியவர்கள், விளையாட்டு வீரர்கள், உடலுழைப்பு அதிகம் கொண்டவர்கள் ஆகியோர் பலாப்பழத்தை கட்டாயம் சாப்பிட வேண்டும்.

பளபளப்பான தோல் வேண்டும் என்றால், ஒரு நாளைக்கு இரண்டு பலாச்சுளைகளை சாப்பிட்டு வாருங்கள். உங்களது தோல் மினுமினுப்பாக மாறிவிடும். 100 நாட்கள் தொடர்ந்து சாப்பிட்டால், நிச்சயம் பலன் கிடைக்கும்.

உடல் எடை குறைக்கும்

பலாப்பழம் சாப்பிட்டு வந்தால், உடல் எடையும் அதிகம் குறையும் என்று கூறுவார்கள். காலை, மதியம், இரவு ஆகிய 3 வேலைகளிலும் 2 பலாச்சுளைகள் சாப்பிடுவது உடல் உடையை குறைக்க உதவும். இதில், நார்ச்சத்து, புரோட்டீன் அதிகமாக இருப்பதால், உடல் குறையும் என்று மருத்துவர்கள் கூறுவார்கள்.

பலாப்பழம் நச்சுகளையும், தீய செல்களின் வளர்ச்சியையும் அழிக்கும் தன்மை கொண்டது. எனவே பலாப்பழங்களை அதிகம் சாப்பிடுபவர்களுக்கு குடல் புற்று ஏற்படுவதற்கான ஆபத்து வெகுவாக குறைகிறது.

மேலும் அனைத்து பழங்களின் மருத்துவ குணங்கள் பற்றி இங்கு காணலாம்.