லால் சலாம் படப்பிடிப்பு.. மும்பை செல்லும் ரஜினிகாந்த் – இன்னொரு சுவாரசிய அப்டேட் உள்ளே!
நெல்சன் திலிப் குமார் இயக்கத்தில் அனிரூத் இசையில் தமிழ் திரை உலகின் சூப்பர் ஸ்டார் ரஜினிகாந்த் அவர்களின் நடிப்பில் உருவாகியுள்ள திரைப்படம் தான் ஜெயிலர். நேற்று முன்தினம் இந்த படத்தின் ப்ரோமோ வெளியாகி பெரிய அளவில் தொடர் வரவேற்புகளை பெற்று வருகிறது.
வரும் ஆகஸ்ட் 10ம் தேதி இந்த படம் உலக அளவில் வெளியாகவுள்ள நிலையில், சூப்பர் ஸ்டார் ரஜினிகாந்த் தனது அடுத்த பட பணிகளை துவங்கியுள்ளார் என்ற தகவல் வெளியாகியுள்ளது. ரஜினிகாந்தின் மகள் ஐஸ்வர்யா தனுஷ் இயக்கும் லால் சலாம் என்ற திரைப்படத்தில் சூப்பர் ஸ்டார் ரஜினிகாந்த் நடிக்க உள்ளார்.
இந்த படத்தின் நாயகன் விஷ்ணு விஷால் என்பது குறிப்பிடத்தக்கது, இந்நிலையில் லால் சலாம் படத்திற்கான படப்பிடிப்பு பணிகளை துவங்க சூப்பர் ஸ்டார் ரஜினிகாந்த் மும்பை சென்றுள்ளதாக அதிகாரப்பூர்வ தகவல்கள் வெளியாகி வருகிறது.
அதே போல சூப்பர் ஸ்டார் ரஜினிகாந்த் நடிக்கவிருக்கும் 171வது படத்தை லோகேஷ் கனகராஜ் இயக்கு உள்ள நிலையில், அந்த படத்திற்கான போட்டோ சூட் எடுக்கும் பணிகள் தற்பொழுது துவங்கி உள்ளது என்றும், அதையும் திரு. ரஜினிகாந்த் முடித்துள்ளார் என்ற தகவலும் வெளியாகி உள்ளது.
