லியோ திரைப்பட லேட்டஸ்ட் அப்டேட் : கூட்டணியில் இணையும் புதிய வில்லன் நடிகர்

லோகேஷ் கனகராஜ் தற்போது தமிழ் சினிமாவின் மிகவும் பேசப்படும் இயக்குனர்களின்
பட்டியலில் உள்ளார் என்பது அனைவரும் அறிந்ததே. தளபதி விஜயை வைத்து இவர் இயக்கிய மாஸ்டர் திரைப்படம் பெரிய அளவில் வெற்றி பெற்றது.

அதனை தொடர்ந்து தனது இன்ஸ்பிரஷன் நடிகரான உலக நாயகனை வைத்து லோகேஷ் இயக்கிய விக்ரம் திரைப்படம் மிகசிறந்த வெற்றிப்படமாக அமைந்தது. இந்நிலையில் தற்பொழுது மீண்டும் விஜயுடன் லியோ என்ற படத்தில் லோகேஷ் இணைந்திருக்கிறார்.

இந்த படத்தை செவன் ஸ்கிரீன் ஸ்டுடியோ சார்பில் லலித்குமார் தயாரிக்க, அனிரூத் இந்த திரைப்படத்திற்கு இசையமைத்து வருகின்றார். காஷ்மீரில் இந்த படத்தின் படப்பிடிப்பு மிகவும் மும்முரமாக நடந்து வருகிறது என்பது குறிப்பிடத்தக்கது.

ஏற்கனவே இந்த படத்தில் திரிஷா, இயக்குனர் கௌதம் வாசுதேவன் மேனன், ஆக்ஷன் கிங் அர்ஜுன், மன்சூர் அலிகான் பாலிவுட் உலகை கலக்கும் சஞ்சய் தத் என்று ஒரு நடிகர் பட்டாளமே நடித்துவரும் நிலையில் தற்போது இந்த படத்தில் இன்னும் ஒரு வில்லன் நடிகர் இணையவுள்ளார் என்ற தகவல் வெளியாகி உள்ளது.

தமிழில் பல படங்களில் நல்ல பல கதாபாத்திரங்கள் ஏற்று நடித்து வரும் மதுசூதனன் ராவ் லியோ படத்தில் இணையவுள்ளதாக தகவல் வெளியாகிவருகின்றது.