பப்பாளி பழத்தில் வைட்டமின் ஏ, வைட்டமின் சி, பொட்டாசியம் மற்றும் நார்ச்சத்து அதிகம். பப்பாளி பழம் உடலுக்கு பல நன்மைகளை வழங்கும் உணவாகும். ஆனால், சில உணவுகளுடன் அதை சேர்த்து சாப்பிடுவது செரிமான பிரச்சினைகள் மற்றும் உடல்நல பாதிப்புகளை ஏற்படுத்தலாம்.
பப்பாளி பழத்தில் உள்ள பப்பைன் என்ற பொருள் சில புரதங்களை ஜீரணிக்க விடாமல் தடுக்கலாம். எனவே, பப்பாளி சாப்பிடும்போது அதிக புரதம் உள்ள உணவுகளான இறைச்சி, மீன், முட்டை போன்றவற்றை தவிர்க்க வேண்டும்.
பப்பாளி மற்றும் எலுமிச்சை, ஆரஞ்சு போன்ற சிட்ரஸ் பழங்களில் அதிகமான வைட்டமின் சி உள்ளது. இவை சேர்ந்து சாப்பிடும் போது, அசிடிட்டி, நெஞ்செரிச்சல் போன்ற செரிமான பிரச்சினைகள் ஏற்படலாம்.
பப்பாளி பழம் குளிர்ச்சியான தன்மையுடையது. அதன் பிறகு குளிர்ந்த நீர் குடிப்பது செரிமானத்தை பாதிக்கலாம் மற்றும் வயிற்றுப் பிரச்சினைகளை ஏற்படுத்தலாம்.
