உடற்பயிற்சி ஆரோக்கியத்திற்கு அவசியம் என்பதை நம்மில் பலர் அறிந்திருப்போம். ஆனால், தினசரி வாழ்க்கையில் உடற்பயிற்சி செய்ய நேரமில்லை என்றால், எளிமையான ஒரு வழி – படிக்கட்டில் ஏறுவது.
சமீபத்திய ஐரோப்பிய கார்டியாலஜி சங்க ஆய்வின்படி, தினமும் படிக்கட்டில் ஏறும் பழக்கம் கொண்டவர்கள், அதிக நாட்கள் ஆரோக்கியமாக வாழ வாய்ப்பு அதிகம் என தெரியவந்துள்ளது.
தினமும் படிக்கட்டில் ஏறும் பழக்கம் உள்ளவர்களுக்கு இதய நோயால் இறக்கும் அபாயம் 39% குறையும். படிக்கட்டில் ஏறுவது மாரடைப்பு, இதய செயலிழப்பு, பக்கவாதம் போன்ற இதய சம்பந்தப்பட்ட நோய்களின் அபாயத்தையும் குறைக்கும்.
படிக்கட்டுகளில் ஏறுவது, உடலில் உள்ள கொழுப்பு மற்றும் கொழுப்பு சத்துக்களை குறைக்கும். இதனால், இரத்த அழுத்தம் குறையும்.
படிக்கட்டுகளில் ஏறும்போது அதிக கலோரி எரியும். இது உடல் எடையை குறைக்கவும், உடல் கொழுப்பை குறைக்கவும் உதவும்.
தினசரி வாழ்க்கையில் லிப்ட், எஸ்கலேட்டர் பயன்படுத்தாமல், படிக்கட்டில் ஏறும் பழக்கத்தை கொண்டு வந்தால் உடல் ஆரோக்கியம் மேம்படும்.