நார்ச்சத்து நிறைந்த வெண்டைக்காய் உடலுக்கு பல ஆரோக்கிய நன்மைகளை தருகிறது. வெண்டைக்காயில் புரதம், கால்சியம், மெக்னீசியம், பொட்டாசியம், சோடியம், இரும்புச்சத்து, வைட்டமின் சி, பி1, பி2, பி6, பி9 போன்ற சத்துக்களையும் கொண்டுள்ளன.
200 மில்லி தண்ணீரில் 4 வெண்டைக்காயை எடுத்து நறுக்கி இரவில் ஊறவைக்கவும். மறுநாள் காலையில் அந்த தண்ணீரை மட்டும் குடிக்க வேண்டும். வெண்டைக்காயில் இருக்கும் நார்ச்சத்து உணவுக்கு முந்தைய மற்றும் உணவுக்கு பிந்தைய சர்க்கரை அளவு கட்டுப்படுத்துவதாக சில ஆய்வுகள் கூறியுள்ளது.
நீரிழிவு நோயாளிகள் வெண்டைக்காய் தண்ணீர் குடிப்பதாக இருந்தால் இந்த நீரை குடித்த பிறகு 2 மணி நேரம் வரை நீரிழிவு மாத்திரைகள் எடுக்க கூடாது என்பதை மட்டும் கவனத்தில் கொள்ள வேண்டும்.
அசிடிட்டி, எதுக்களிப்பு தன்மை, வயிறு எரிச்சல், வயிற்று கோளாறுகள் போன்ற பிரச்சனைகள் இருப்பவர்கள் தினமும் இந்த வெண்டைக்காய் தண்ணீர் குடிக்கலாம். அதிகமாக குடித்தால் வயிறு உப்புசம் வருவதற்கான வாய்ப்புகள் உண்டு.
வெண்டைக்காய் ஊறவைத்த நீரில் இருக்கும் நொதிகள் அமிலத்தன்மை கொழுப்பு குறைய செய்கிறது. சிறுநீரக கல் இருப்பவர்கள் வெண்டைக்காய் தண்ணீர் குடிக்க கூடாது. இதில் உள்ள ஆக்சலேட் அளவு அதிகம் என்பதால் கவனமாக இருக்க வேண்டும்.
