பணி வாழ்க்கையின் ஓய்வுக்காலத்துக்கான பாதுகாப்பான சேமிப்பாகக் கருதப்படும் ஊழியர் பாரம்பரிய நிதி (PF) யின் நிலுவைத் தொகையை அறிந்து கொள்வது இன்று கட்டாயமான ஒன்றாக மாறியுள்ளது. ஆனால், நாட்டின் பல பகுதிகளில் இன்னும் முழுமையான இன்டர்நெட் வசதிகள் இல்லாத சூழ்நிலையில், EPFO (Employees’ Provident Fund Organisation) நிறுவனம் வழங்கும் சில எளிய சேவைகள் ஊழியர்களுக்கு பெரிதும் உதவியாக இருக்கின்றன.
இன்டர்நெட் தேவையில்லை – ஸ்மார்ட்போன் கூட வேண்டாம்!
ஒரு சாதாரண மொபைல் போன் இருந்தாலே போதுமானது. இன்டர்நெட் இல்லாமல் PF பேலன்ஸை அறிய கீழ்க்கண்ட முறைகளை EPFO அறிவித்துள்ளது:
மிஸ்டு கால் சேவை:
- பதிவு செய்யப்பட்ட மொபைல் எண்ணில் இருந்து 9966044425 என்ற எண்ணுக்கு மிஸ்டு கால் கொடுக்கவும்.
- சில ரிங்குகளுக்குப் பிறகு கால் துண்டிக்கப்படும்.
- அதனைத் தொடர்ந்து உங்கள் PF பேலன்ஸ் மற்றும் சமீபத்திய பங்களிப்பு விவரங்கள் SMS மூலம் கிடைக்கும்.
இச்சேவைக்கு பின்வரும் விவரங்கள் அவசியம்:
- உங்கள் UAN (Universal Account Number) ஆக்டிவாக இருக்க வேண்டும்.
- உங்கள் மொபைல் எண் UAN-க்கு இணைக்கப்பட்டிருக்க வேண்டும்.
- KYC ஆவணங்களில் (ஆதார், PAN, வங்கிக் கணக்கு) குறைந்தது ஒன்றாவது அப்டேட் செய்யப்பட்டிருக்க வேண்டும்.
SMS மூலம் PF பேலன்ஸ் அறிதல்:
- உங்கள் மொபைல் மெசேஜ் பாக்ஸில் EPFOHO UAN என டைப் செய்து 7738299899 என்ற எண்ணுக்கு அனுப்பவும்.
- பின்னர் PF நிலுவைத் தொகை, கடைசி பங்களிப்பு விவரங்கள் மற்றும் KYC ஸ்டேட்டஸ் போன்றவை SMS மூலமாக வரும்.
மொழி விருப்பத்திற்கும் வசதி!
- தகவல்களை உங்களது வட்டார மொழியில் பெற விரும்பினால், மெசேஜின் கடைசியில் மொழியின் முதல் மூன்று எழுத்துக்களை சேர்க்கலாம்.
- எடுத்துக்காட்டாக, தமிழில் பெற விரும்பினால்:
EPFOHO UAN TAMஎன அனுப்ப வேண்டும்.
குறிப்பு: இந்த சேவைகள் இலவசமாக வழங்கப்படுகின்றன மற்றும் எந்தவொரு அப்ளிகேஷனும், டேட்டா பாக்கெட்டும் தேவையில்லை. அனைத்து EPFO உறுப்பினர்களும் இந்த சேவைகளை பயன்படுத்தி, தங்கள் ஓய்வுக்கால நிதிநிலையை எளிதாக கண்காணிக்கலாம்.
