சமீபத்தில், கூகுள், பேஸ்புக், ஆப்பிள், ஜி-மெயில், இன்ஸ்டாகிராம் போன்ற பிரபல இணைய தளங்களின் 16 பில்லியன் பயனர் தரவுகள் கசிந்து இருப்பதாக தகவல் வெளியாகி பரபரப்பை ஏற்படுத்தியுள்ளது. இது இணைய வரலாற்றில் மிகப்பெரிய அளவிலான தரவு கசிவாகும்.
முக்கிய விவரங்கள்
- கடந்த மாதம் ஆப்பிள் நிறுவனத்தின் 184 மில்லியன் பயனர் தகவல்கள் கசிந்தது பரபரப்பை ஏற்படுத்தியது. ஆனால் தற்போது வெளிவந்த தகவல் அதற்கு முந்தையதாகும்.
- சைபர் நியூஸ் அறிக்கையின் படி, 30 வெவ்வேறு தரவு தொகுப்புகள் வெளிப்பட்டுள்ளன.
- ஒவ்வொன்றும் பல பத்து மில்லியன் பயனர் தகவல்களைக் கொண்டுள்ளன; சில தொகுப்புகளில் பில்லியன்கள் அளவிலான தரவுகளும் உள்ளன.
- இந்த தரவுகள் சமீபத்தியவை என்றும், infostealer என்ற மால்வேர் மூலம் திருடப்பட்டிருக்க வாய்ப்பு உள்ளது.
- இந்த மால்வேர் சாதனங்களில் இருந்து யூசர் நேம், பாஸ்வேர்ட் போன்ற தகவல்களை சத்தமின்றி திருடக்கூடியது.
பயனர்களுக்கு எச்சரிக்கை
- பயனர் தகவல்கள் எளிதில் இணைய முகவரி, யூசர் நேம், பாஸ்வேர்ட் போன்றவையாக கிடைத்துள்ளதால், சைபர் குற்றவாளிகள் எளிதாக உள்நுழைந்து தரவுகளை திருடக்கூடும்.
- இது அடுத்த பெரிய இணைய மோசடிகளுக்கு வழிவகுக்கும் அபாயம் உள்ளது.
- இதற்கு ஒரே தீர்வு, உடனடியாக பாஸ்வேர்டுகளை மாற்றுவது மற்றும் two-factor authentication போன்ற கூடுதல் பாதுகாப்பு முறைகளை பயன்படுத்துவதே ஆகும்.
- ஒரே பாஸ்வேர்டை பல தளங்களில் பயன்படுத்தி வந்தவர்கள் விரைவில் மாற்றம் செய்ய வேண்டும்.
ADVERTISEMENT
