வெந்நீர் குடிப்பது உடல் எடையைக் குறைக்குமா? உண்மை என்ன?

இன்றைய காலக்கட்டத்தில் அதிகம் பேசப்படும் ஒரு பிரச்சனை உடல் பருமன். இதன் காரணமாகவே உயர் இரத்த அழுத்தம், இதய நோய், டயபெட்டிஸ் போன்ற பலவகை நோய்கள் உருவாகின்றன. அதனால், உடல் எடையை குறைக்கும் முயற்சியில் மக்கள் பல்வேறு வழிகளை தேர்வு செய்கிறார்கள்.

வெந்நீர் குடிப்பது உடல் எடையை குறைக்கும் என்ற நம்பிக்கையும் அதில் ஒன்றாகவே காணப்படுகிறது. ஆனால், இது உண்மையா? வெறும் வெந்நீர் குடிப்பதால் உடல் எடையை குறைக்க முடியுமா? இங்கே அதற்கான அறிவியல் உண்மைகள் மற்றும் நிபுணர் ஆலோசனைகளைப் பார்ப்போம்.

இதையும் படிங்க

வெந்நீரின் பயன்கள்

மனித உடல் 70% தண்ணீரால் ஆனது. நீர்ச்சத்து குறைவது சோர்வு, தலைவலி, செரிமானக் கோளாறு போன்ற பல பிரச்சனைகளை உருவாக்கும். எனவே, தினமும் குறைந்தது 8 டம்ளர் தண்ணீர் குடிப்பது முக்கியம் என இந்திய மருத்துவ ஆராய்ச்சி கவுன்சில் பரிந்துரைக்கிறது.

வெந்நீர் குடிப்பதன் முக்கியமான நன்மைகள்:

செரிமானத்தை ஊக்குவிக்கும்
நச்சுகளை வெளியேற்றும்
மலச்சிக்கலை தடுக்கும்
சரும ஆரோக்கியத்தை மேம்படுத்தும்
வளர்சிதை மாற்றத்தை (Metabolism) தூண்டும்
சாப்பாட்டின் பிறகு குடித்தால் கொழுப்பு செரிமானத்திற்கு உதவும்

வெந்நீர் குடித்தால் உடல் எடை குறையுமா?

இல்லை. வெந்நீர் குடிப்பது மட்டும் உடல் எடையை குறைக்காது. ஆனால் இது உடல் எடைக் குறைக்கும் முயற்சியில் உதவியாக இருக்கலாம்.

எப்படி?

காலையில் வெந்நீர் குடித்தால், உடலுக்கு தேவையான நீர்ச்சத்து கிடைக்கும்.
உணவுக்கு முன் குடித்தால், வயிறு ஓரளவு நிரம்பி உணவு உண்ணும் அளவு குறையும்.
வெந்நீருடன் சிறிது உடற்பயிற்சி சேர்த்தால் மட்டுமே உடல் எடை குறைக்கும் செயல்முறை செயலில் வரும்.
பசியுடன் செய்யப்படும் Cardio/Walking போன்ற பயிற்சிகள் உடல் கலோரிகளை வேகமாக எரிக்கின்றன.

முக்கியமான டிப்ஸ்:

காலையில் எழுந்தவுடன் ஒரு டம்ளர் வெந்நீர் குடிக்கலாம்.
உடற்பயிற்சியை தினசரி பழக்கமாக மாற்றுங்கள்.
உணவுக் கட்டுப்பாடும் முக்கியம் – எண்ணெய், இனிப்பு, ஜங்க் ஃபுட்களை தவிருங்கள்.
சாப்பாட்டுக்கு பிறகு வெந்நீர் குடிக்கலாம் – இதனால் கொழுப்புச் சேர்க்கை தாமதிக்கிறது.
பிரிட்ஜில் இருந்து நேரடியாக குளிர்ந்த தண்ணீர் குடிப்பதை தவிர்க்கவும் – இது செரிமானத்தை பாதிக்கக்கூடும்.

வெந்நீர் குடிப்பது உடலுக்கு பல நன்மைகள் தரும். ஆனால் அது மட்டும் போதாது – உடற்பயிற்சி மற்றும் உணவுக் கட்டுப்பாடு இணைந்து செயல்பட்டால்தான் உடல் எடையை குறைக்க முடியும்.

இனிமேல் வெந்நீரை நம்பிக்கையுடன் குடியுங்கள் – ஆனால் அதை ஒரு மாய மருந்தாக நினைக்காமல், உங்கள் ஆரோக்கிய வாழ்வின் ஒரு சிறந்த ஆதாரமாக பார்க்குங்கள்!