தயிர் சாப்பிடும் போது இந்த உணவுகளை சேர்க்க கூடாது. மீறினால் ஆபத்துதான்

தயிர் சாப்பிடுவதால் ஏற்படும் நன்மைகள்

மதிய உணவில் தயிர் இல்லையென்றால் அது முழுமையான விருந்தாக இருக்காது. அன்றாட உணவில் நாம் தயிர் அதிகம் சேர்த்துக் கொண்டால் இதய நோய் பாதிப்பு வராது என ஆய்வு ஒன்று தெரிவிக்கிறது. தயிரில் உள்ள கால்சியம் சத்து எலும்பு மற்றும் பற்களை உறுதியாக்கும்.

ஒரு கை தயிர் எடுத்து அதனை தலையில் தேய்த்தால் நன்றாக உறக்கம் வரும்.பாலில் உள்ள புரோட்டீனை விட தயிரில் புரோட்டீன் குறைவாக உள்ளதால் விரைவாகவே ஜீரணமாகிவிடும்.

தயிர் உடலுக்கு குளிர்ச்சியையும் நல்ல ஜீரண சக்தியையும் அளிக்கிறது. தயிர் சாப்பிட்டால் ஒரு மணி நேரத்தில் 91% தயிர் ஜீரணமாகியிருக்கும். ஆனால் பால் சாப்பிட்டால் 32% மட்டுமே ஜீரணமாகியிருக்கும்.

பாலை தயிராக மாற்றுவதற்கு பயன்படும் பாக்டீரியா, குடலில் உருவாகும் நோய் கிருமிகளை அளிக்கிறது. மேலும் வயிற்றில் நன்மை செய்யும் பாக்டீரியாக்களை உருவாக்குகிறது.

தயிர் உடலில் ஜீரண சக்தியை அதிகரித்து வயிற்றில் உருவாகும் தேவையற்ற உபாதைகளை சரி செய்கிறது.

வயிற்றுபோக்கு இருந்தால் சிறிது வெந்தயம் + தயிர் 1 கப் சேர்த்து சாப்பிட்டால் வயிற்று பொருமல் அடங்கும்.

மெனோபாஸ் பருவத்தை அடையவிருக்கும் பெண்களுக்கு தயிர் மிகவும் பயனயளிக்கிறது. ஏனென்றால், உடலுக்கு தேவையான கால்சியத்தை தயிர் வழங்குகிறது.

தயிரில் புரோட்டீன் அதிகம் இருப்பதால் தோல் மற்றும் தலை முடி வளர்ச்சிக்கு நல்லது.

தயிர் சாப்பிடும் போது தவிர்க்க வேண்டிய உணவுகள்

தயிர் உடலுக்கு நல்லது என்றாலும் தயிர் சாப்பிடும்போது ஒரு சில உணவுகளை தவிர்ப்பது நல்லது. அப்படி தவிர்க்க வேண்டிய உணவுகள் என்னென்ன என்பதை இதில் பாப்போம்.

தயிர் பச்சடி என்றாலே பலரும் வெங்காயம்தான் சேர்ப்பார்கள். இதில் வெங்காயம் சூடான பொருள் தயிர் குளிர்ச்சி. இவை இரண்டும் ஒன்று சேர்வதால் அலர்ஜி, வயிற்றுக்கோளாறு, மந்த நிலை உருவாகும்.

மீன் , தயிர் இரண்டுமே அதிக புரோட்டீன் நிறைந்ததுதான். ஆனால் இரண்டையும் ஒன்று சேர்க்கக் கூடாது. இரண்டும் வெவ்வேறு வகையான புரோட்டீனைக் கொண்டிருப்பதால் உடலில் பாதிப்பை உண்டாக்கலாம்.

பாலிலிருந்துதான் தயிர் உருவாகிறது என்றாலும் இரண்டையும் ஒரே நேரத்தில் உட்கொள்வது தவறு. மீறினால் வயிற்றுப்போக்கு, வாயு, நெஞ்சு எரிச்சல் போன்றவை ஏற்படும்.

தயிருடன் உளுந்து சேர்த்து சாப்பிட்டால் வயிற்றில் செரிமானப்பிரச்சனை, வயிற்றுப்போக்கு ஏற்படும்.

தயிர் சாப்பிடும் போது எண்ணெயில் பொறித்த உணவுகளை சாப்பிடக்கூடாது. அதே போல் நெய் ஊற்றிய உணவுகளையும் எடுத்துக்கொள்ள கூடாது.