இன்றைய டிஜிட்டல் உலகில் பாஸ்போர்ட் பெறுவது ஒரு பெரிய வேலை இல்லை. நீண்ட வரிசை, அலுவலகத்தில் ஒழுங்கற்ற நேரங்கள், அதிக ஆவணங்கள் – இவை எல்லாம் கடந்த கால விஷயங்கள்! தற்போது, நீங்கள் உங்கள் மொபைல் அல்லது லேப்டாப் மூலம் வீட்டிலிருந்தே பாஸ்போர்ட் கையாளலாம்.
இந்த கட்டுரையில், பாஸ்போர்ட்டுக்கு ஆன்லைனில் எளிமையாக விண்ணப்பிப்பதற்கான அடிப்படை முதல் வரைக்கும் உள்ள நடைமுறையை தெளிவாகப் பார்ப்போம்.
ADVERTISEMENT
பாஸ்போர்ட் ஆன்லைனில் எப்படி விண்ணப்பிப்பது?
- முதலில் passportindia.gov.in என்ற அதிகாரப்பூர்வ பாஸ்போர்ட் சேவைக்கு செல்லவும்.
- “New User Registration” என்பதை கிளிக் செய்து உங்கள் பெயர், பிறந்த தேதி, மின்னஞ்சல், முகவரி போன்ற தகவல்களை நிரப்பி கணக்கை உருவாக்குங்கள்.
- கணக்கில் உள்நுழைந்து, “Apply for Fresh Passport / Re-Issue” என்பதைக் கிளிக் செய்யவும்.
- பிறகு, உங்கள் தனிப்பட்ட விவரங்கள் (பெயர், முகவரி, கல்வித் தகுதி, வேலை நிலை) உள்ளிட்ட தகவல்களை நிரப்பவும்.
முன்பதிவு மற்றும் கட்டணம்
- விண்ணப்பத்தை சமர்ப்பித்த பிறகு, “Pay and Schedule Appointment” என்பதை கிளிக் செய்து உங்களுக்கு அருகிலுள்ள Passport Seva Kendra (PSK) அல்லது Regional Passport Office (RPO) இடத்தில் சந்திப்பு முன்பதிவு செய்யுங்கள்.
- உங்கள் கட்டணத்தை ஆன்லைனில் செலுத்தி, Application Reference Number (ARN) மற்றும் Appointment Slip-ஐ பதிவிறக்கம் செய்யுங்கள்.
தேவையான ஆவணங்கள் மற்றும் சரிபார்ப்பு
சந்திப்பு நாளன்று, கீழ்காணும் ஆவணங்களை எடுத்துச் செல்ல வேண்டும்:
- ஆதார் அட்டை
- ரேஷன் கார்டு / வாடகை ஒப்பந்தம் / மின்சாரம் பில் (முகவரி நிரூபணம்)
- Bank Passbook (அல்லது) கல்வி சான்றிதழ்
PSK-ல் பயோமெட்ரிக் மற்றும் ஆவண சரிபார்ப்பு நடக்கும். பின்னர், உங்கள் முகவரிக்கு போலீஸ் சரிபார்ப்பு செய்யப்படும்.
பாஸ்போர்ட் உங்கள் வீடு வந்து சேரும்!
- அனைத்து செயல்முறைகளும் முடிந்ததும், உங்கள் பாஸ்போர்ட், Speed Post மூலம் உங்கள் முகவரிக்கு அனுப்பப்படும்.
- சாதாரண விண்ணப்பங்களுக்கு 30-45 நாட்கள்.
- தட்கல் முறையில் விண்ணப்பித்தால், 7 நாட்களுக்குள் பாஸ்போர்ட் கிடைக்கும்.
டெலிவரி ஸ்டேட்டஸை எப்படி பார்க்கலாம்?
- இந்தியா போஸ்டின் Speed Post Tracking இணையதளத்தில் உங்கள் Tracking ID மூலம் பாஸ்போர்ட் வந்து கொண்டிருக்கும் நிலையை பார்க்கலாம்.
குறிப்பு:
- பாஸ்போர்ட் விண்ணப்பிக்க வீட்டிலிருந்து வெளியே வரவேண்டிய அவசியமில்லை (PSK Appointment தவிர).
- ஆதார் மற்றும் முகவரி நிரூபண ஆவணங்களை தயாராக வைத்துக்கொள்ளவும்.
- தட்கல் பாஸ்போர்ட் விண்ணப்பத்திற்கு கூடுதல் ஆவணங்கள் மற்றும் அவசர தேவை நிரூபணங்கள் தேவைப்படும்.
