in

முட்டைகோஸ் மருத்துவ பயன்கள்

முட்டை கோஸ் கீரை வகையை சேர்ந்த ஒரு உணவாகும். இதில் வைட்டமின் ஏ, உயிர்ச்சத்துக்கள், தாதுக்கள் ஆகியவை உள்ளது. இதை பாசிப்பயறுடன் சேர்த்து கூட்டாகவோ அல்லது பொரியலாகவோ செய்து சாப்பிடலாம்.

முட்டை கோஸ் உணவில் அடிக்கடி சேர்த்து வந்தால் உடலில் நோய் எதிர்ப்பு சக்தி அதிகரிக்கும்.

கண்பார்வை

முட்டை கோஸில் உள்ள வைட்டமின் ஏ கண்பார்வை கோளாறுகளை சரி செய்யும். இதில் சுண்ணாம்புச்சத்து அதிகமிருப்பதால் எலும்புகளும் பற்களும் உறுதியாகும்.

முட்டை கோஸ் ஜூஸ்

உடல் எடையை குறைக்க நினைப்பவர்கள் முட்டைகோஸ் ஜூஸ் நல்ல பலனை தரும். இதில் குறைவான கலோரியே உள்ளதால் உடல் எடையை எளிதாக குறைக்கலாம். மேலும் வயதானவர்களுக்கு ஏற்படக்கூடிய அல்சைமர் பிரச்சனை வராமல் தடுக்கும்.

கேன்சர் செல்கள்

முட்டைகோஸில் உள்ள சல்ஃப்போரபேன் என்ற சத்து உடலில் கேன்சர் செல்கள் வளரவிடாமல் தடுக்கும். நுரையீரல் மற்றும் வயிற்றை புற்று நோயிலிருந்து பாதுகாக்கும்.

சரும ஆரோக்கியம்

முட்டைகோஸில் உள்ள ஆண்டி ஆக்ஸிடண்ட் சருமத்தில் ஏற்படக்கூடிய பரு, கரும்புள்ளிகளை நீக்கி சரும ஆரோக்கியத்தை பாதுகாக்கும்.

தலை முடி வளர்ச்சி

முட்டைகோஸ் தண்ணீரில் சல்ஃபர் இருக்கும். எனவே முட்டைகோஸ் வேக வைத்த தண்ணீரில் உங்கள் கூந்தலை அலசுவதால் அது தலைமுடிக்கு நல்ல பலனை கொடுக்கிறது.

செரிமான கோளாறு

முட்டைகோஸில் அதிகளவு நார்ச்சத்து உள்ளது. இது செரிமான மண்டலத்தை சீராக இயக்க உதவுகிறது. மேலும் மலச்சிக்கல் பிரச்சனை குணமாகும்.